Facial Ka Tarika

فیشل کا طریقہ

Ghar ka facial

Ghar main facial Karnay ka tarika manderja zail he.


Ingredients

Cold cream or lotion
Chanay ka aata  1  chamach 
Lemon ras          1  lemon
Badaam              4 adad
Dood                  Thora saa
Mutani matty       1 chamach
Shehad                2 chamach
Zaitoon ka oil      1 chamch


Tarika

1.   Cleansing

Is ke liye gher main mojood kisi bhi cold cream se chehray aur gerdan ka nermi se masaaj karain.Phir tissue paper se chehre aur gardan ko saaf ker lain.Is se tamam mail aur murda khuliyon ka khatma ho jata he.


2.    Facial Masaaj

Aik chamach chanay ka aata, aik adad lemon ka ras,aur chaar badaam ka chora ker ke dood main mix ker ke chehray aur gardan per halkay haathon se masaaj karain .Das minute baad dho lain.


3.     Face Mask

Multani matty aik chamach ,Shehad do chamach aur zaitoon ka oil aik chamch  ko achi terha mix ker ke chehray aur gerden per laga lain.Das minute baad ye mask khushak ho jae ga ab chehray aur gerdan ko dho lain.Mask ke doran batain kernay se perhaiz karain.
Is facial se aap ka chehra nikhra nikhra ,sehat mand,tarotaza aur chamakdaar hojae ga.

Totaky For Face In Urdu

Totaky Chehry k Liye

Chehray ka Rang gora karna

Taza neem garam dood se chehray ko dhone se rang gora ho jata he.

Chehray ko khobsorat karna

Raat ko sonay se pehle garo ko pani main hal ker ke is main chand drop kalonji ka oil mila ker chehray per mal lain subha neem garam pani se dho lain.

Chehray ke danay khatam karna

Is ke liye kali mirch gharay per ragrain is paste ko rozana chehray per lagaen.

Chehray ke daagh dhabay(nishaan) door karna

Rozana pani main do chammach shehad mix ker ke pi liya karain daagh dhabe door ho jaen ge.

Chehray ka phola pan door karna

Is ke liye rozana khanay ke saath thori si adrak khaliya karain.

Totkay For Eye In Urdu

Totkay Ankhon k liye

Nazer taiz karna

Sonf aur shaker ko mila ker rozana khanay se benae taiz ho jati he.


Ankhon ki surkhi door karna

Bakri ke dood main roe ka tukra bhigo ker aankhon per rakhnay se aankhon ki surkhi door hojati he.


Palkain lambi karna(long eyelashes)

Dood ko garam kerkay is main falaleen ke kapray ko bhigo ker nichor ke aankhon per rakhain jab kapra thanda ho jae to dobara ye amal dohraen is terhaan chaar baar karain  chand dinon main palkain lambi aur aankhain khobsorat hojaen gi.


Bhawain ghani karna(thick eyebrows)

Rozana sotay waqat bhawon per serson ka tail lagaya karain.


Aankh main palak ya koi zarra per jana

Aik khulay moon ka bertan lain is main pani bher lain is main aakh daal ker kholain aur band karain jo cheez gae he nikal jae ge.


Ankhon ki kharish

Ankhon main do drop arqe gulaab ke daal lain.

Ankhon se pani aana

Is ke liye khalis arqe gulaab aankhon main dalain.


Motya ka ilaaj(cataract)

Ager ibtadai motia main rozana aankhon ko khalis arqe gulaab se dho ker khalis shehad ki aik aik salae aankhon main lagae jae to motia khatam hojata he.

Totkay For Ear In Urdu

Kaan k Liye Urdu Totaky

Kaan main pani chala jana
Ager kaan main pani chala jae to ultay paon chalain pani nikal jae ga.
Kaan ka dana ya phinsi khatam karna
Zaiton ke patton ke ras main shehad mila ker kaan main tapkanay se kaan ki phinsi door ho jati he.
Behra pan door karna
Zaiton ke patton ke ras main shehad mila ker kaan main dalne se behre pan main kami aati he.


Kaan ka mail door karna
Zaiton ke patton ke ras main honey mix ker ke kaan main dalne se kaan ka mail bhi khatam ho jata he.


Behte kaan theek karna
Jangli zaiton ke patton ka ras kaan main dalne se kaan ka behna theek ho jata he.